الارشيف / الدوري السوداني / المريخ السوداني / المريخ السوداني

السوداني في الصحف لهذا اليوم 2/10/ : الي ان نلتقي قسم خالد بعنوان انتهي الدوري .. عايزين الكاس ..!

اخبار السوداني - انتهي الدوري .. عايزين الكاس ..!

ولانهم بارعون في  التضليل وبعد ان حسم السيد لقبه المفضل قبل جولتين من نهاية مسابقة الممتاز تفرغ الاعلام الاحمر تماما للنيل من القناة الانيقة (النيل الازرق ) هاجموها … هددوها .. وما باقي ليهم الا اصدار قرار بايقاف بثها عارفين ليه عشان احتفلت مع سيد البلد بمناسبة تتويجة للمرة 13 ببطولة دوري سوداني الممتاز … البطولة رقم 13  من 20 بطولة هي عمر بطولة الممتاز احداهن جاءت هدية من لجنة (سمير) ولولا سمير لكان احتفال سيد البلد عشية لقاء الامل بالبطولة التي تحمل الرقم 14 فعن اي ندية يتحدثون ياترى ؟؟؟

البعرفو انا والبعرفهو ناس الكورة ان الندية تاتي بين فريقين متنافسين تذهب البطولة تارة للفريق الاول وتارةة اخرى تذهب للفريق الثاني لكن 13 مقابل 6 لا اعتقد ان هناك ندية تذكر حتي نطلق عليهم لقب الانداد !

اها قولو النيل الازرق دي ما احتلفت معانا بالبطولة انتو كان ح تكتبو شنو وكان منظركم ح يكون شكلو كيف مع جماهيرهم المسكينة .. امبارح وانا بشاهد في برنامج عالم الرياضة ضحكت حتي بانت نواجذي وفيصل سيحه يرفض الاعتراف بتسلل اوكرا .. قال شنو (زاوية الرؤية ما واضحة ليهو ) والله الاعمى لو شاف الحالة بتاعت اوكرا لاحتسبها تسلل مع فرض عقوبة الجلد والغرامة عليه.. قال ما بقدر يحدد قال بالله خليك امين مرة واحدة كدا في عمرك علي الاقل عشان المشاهد يحترمك !

اها قون اكرا ما تسلل … والهدف صحيح 100% انشاء الله   يكون شال البطولة !

اخونا مامون ابوشيبه وبعد ان حسم البطولة تماما وهزم الامل بخماسية وقبل نهاية البطولة باسبوعين مامون لازال يتحدث عن هدف اوكرا وصحته .. بالله عليكم جنس دا يقولو عنو شنو ؟؟

يامامون الهدف بتاع اكرا  صحيح ومافيهو حتي ريحة تسلل  وهلال الابيض ما هزمكم خمسة ولاعب اهلى مدني ما جاب قون فيكم من دائرة السنتر اها البطولة اخبارا شنو شيلتوها ولا لسا منتظرين جولة الختام ؟؟

ولان الاعلام الاحمر يعد واحدا من اهم الاسباب التي جعلت ينافس الان علي المركز الثاني مع اندية تفوقه في الامكانات الفنية اطلق علي بطولة الممتاز هذا العام (بطولة المدعوم) اي انهم لا يعترفون باحقية السيد التتوييج بلقبها مش عشان ما بستحقها عشان يواصلو في خداع جماهيرهم المسكينة كل عام !

اي مريخي يناقشك الان يناقشك بلسان كتاب الاحمر اني انهم تاثروا بما يكتبه الاعلام الاحمر عن تلك البطولة وعن محاباة الحكام للهلال متناسيين ا السيد هو اكثر الاندية السودانية حصدا للقب (13) مرة وعين الحسود فيها عود !

الاخبار العاجلة في (البين اسبورت ) تاتي علي حسب اهمية الخبر .. ولانها قناة محترمة جدا نوهت لفوز بحسم البطولة مباشرة وكتبت (عاجل…….. يتوج ببطولة الدوري السوداني للمرة 13 في تاريخه) وانتو لسا قاعدين تهاجمو في النيل الازرق ؟؟

اخيرا اخيرا ..!

ارتضى الاعلام الاحمر او ضرب راسه بالحيط تعد قناة النيل الازرق من افضل القنوات في بلادي .. ومهنيتها وحيادها يعرفه الجميع الا الذي لايرى فيها شئيا جميلا كونها احتفلت مع السيد بتتوييجه بطلا للدوري الممتاز قبل جولتين من نهاية المسابقة … وشنو يعني لو احتلفت تلك القناة الانيقة بفوز .. هي قناة تتابع الاحداث لحظة بلحظة ولا يهمها كثيرا ان غضب اهل او اشادوا بها لان تلك هي رسالتها!

مرات متعددة نقلت قناة النيل الازرق مهجانات علي الهواء مباشرة فلم يتناولها اهل باي سؤ ولم يتحدثوا عن انحيازها للمريخ لان اهل علي قناعة تامة بان اي قناة من حقها ان تفعل ما تريد !

اقول ليكم حاجة تاني يا ناس ما تشاهدو قناة النيل الازرق .. شنو يعني لو ما شهادوتها ح تقفل ابوابها يعني لمجرد انكم اصدرتم بيانا واعلنتم المقاطعة ؟؟؟

خلوها لينا برااانا بنشوفا .. ونتمتع بكل برامجها المحترمة الهادفة .. وما تنسو كلمو كل منسوبيكم ما يظهر فيها تاني وخلوها لينا برانا نظهر فيها مش نحن الابطال ..!

اخيرا جدا ..!

عادة القنوات الكبيرة دائما ما  تبحث عن النجوم في الاستضافة … ح نخلي برنامج الاخت ميرفت (البحث عن هدف) ازرق اللون رغم لونية مقدمته … كل حلقة نجيب ليها نجم من نجوم الازرق … نبدا بي فوزي المرضي وبعدو طوالي طارق ثم مبارك .. وعاطف النور .. ثم نمشي للمجلس نجيب فيها الكاردينال مرة وتاني نجيب عماد الطيب ونقنع اللواء عصام … واحمد عبدالقادر وهرون.. وهشام .. ومحمود نبرطع فيها زي ما دايرين مش اسياد بلد وشايلين  الدوري الممتاز  ؟؟

اقول ليكم نكلم مديرها العام ونقول ليهو زيد لينا مساحة الرياضة في القناة عشان كل يوم نجيب ليكم نجم من لاعبي يتحدث عن الانجاز الكبير لو عاجبكم … ولو ما عاجبكم خلوها شوفو قناة تانية .. النيل الازرق بقت تبعنا .. وح نكلم الكاردينال نقول ليهو اصرف نظر عن قناة .. نعمل بيها شنو مش قناة النيل الازرق قاعدة احتفالتنا بتنقلا … ولقاءات ما ابطالنا بتعملا .. قناة لزوما شنو تاني ؟؟

خليكم انتو مع بياناتكم ضد النيل الازرق لحدي ما تلقو فاز بكاس السودان .. والمرة الجاية ح نكلم ناس قناة الشروق .. وسودانية 24 وقناة امدرمان والمنال وانغام وطيبة والخرطوم وتلفزيون السودان يجو ينقلوا الاحتفالات وانتو اعملو ليكم قناة براكم تنقل ليكم (وصافتكم) دي لو عاجبكم ؟؟؟؟

انتهى قبل قليل اجتماع مجلس إدارة نادي بخصوص تنازل نادي عن نقاطه في المباريات القادمة للوصيف حتى يتثني له المشاركة أفريقيا

انتهى الدوري .. عايزين الكاس !

اذهبوا فانتم الطلقاء

 


اقرأ الخبر من المصدر

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا