الارشيف / الدوري السوداني / الهلال السوداني / الهلال السوداني

السوداني في الصحف لهذا اليوم Friday 7/10/ : الي ان نلتقي قسم خالد ورونا من هسي منسحبين ولا لا …؟

اخبار السوداني اليوم 1 7 10 ورونا من هسي منسحبين ولا لا …؟

مجلس يصدر بيانا وبؤكد فيه ان فريق كرة القدم بالنادي لن يود له في مسابقة دوري سوداني الممتاز (يعني انسحاب راسو عدييل) ثم يخرج علينا الاستاذ عبدالصمد محمد عثمان مؤكدا انه هو المسئول الاول والاخير عن فريق كرة القدم بالنادي لذا طلب من الجهاز الفني للفريق رفع نسق الاعداد بل ووجه بانتظام اللاعبين في معسكر مقفول .. والاعلام الاحمر يؤكد ما اكده بيان .. وحتي الان لا احد يعرف هل منسحب ولا ما منسحب ..!

كدى يا جماعه مورنا انتو منسحبين ولا ما منسحبين .. ورنا الحاصل عندنا معاكم يوم 14 اكتوبر الجاري حددو لينا جايين ولا يفتح الله .. وقبلها عندكم امام نمور شندي وتحديد المقبل برضو ما عارفين جايين ولا منسحبين … لو منسحبين ورونا عديل مافي داعى لمسك العصاية من النص ناس منكم يقولو ما منسحبين … وناس تانين برضو منكم بقولو ما منسحبين .. واعلامكم المضلل شغال تضليل .. الغريبة في جماعة من اعلام الفتو كوبي قالو انهم ضد الانسحاب لكن شايفهم من امس غيرو خطابهم الاعلامي وطالبو بالانسحاب وحتي الان المجلس عامل ميت ما عارف يعمل شنو .. يعني لحدي هسي (بص الوالي) دا كلو مافيهو زول قال منسحب .. كل الكلام القاعدين يقولوهو انهم حماة قانون ولازم يعرفو مصير استئناف شيبوب الحاصل فيهو شنو .. وربطو مشاركتهم في متبقي المباريات برد لجنة الاستئنافات يعني لو ما لجنة الاستئنافات ردت عليهم ما بلعبو … هسي عليكم الله دا كلام دا .. خليكم واضحين لو منسحبين طلعو بيان وقولو منسحبين يعني مافي داعي لي (لو) دي منسحبين يعني منسحبين مسك العصاية من النص في حاجات زي دي ما بنفع !

هسي عليكم الله شفتو السيد ومجلسه لما انسحبو الموسم الماضي من الدوري .. قالو في بيان منسحبين وما ح نلعب .. وفعلا مالعبو وانسحبو يعني اتبعوا البيان بالعمل مش زييكم لحدي هسي ما عارفين انتو عايزين شنو !

اكرر ورونا بالضبط منسحبين عايزين بيان وااااضح منكم مافيهو اي شروط وبعدين ما تختو لينا موضوع شيبوب دا الانسحاب يعني ما تبررو .. قولو عديل منسحبين حتي لو ادونا نقاط المباراة وقامت لجنة الاستئنافات شطبت شيبوب زاتو خليكم واضحين امور اللف والدوران دي ما حلوه وانتو بتقولو انكم نادي كبير .. لو فعلا نادي كبير بطلوا الجرسة بتاعتكم دي وتجو تلعبو كوركتم وانتظروا المركز الثالث عارفين ليه لانو (النمور) حالفين يمين يدحرجو (المدعوم) الاصلي للمركز الرابع ما المركز الثالث لان المركز الثالث سيذهب للخرطوم ..!

اخيرا اخيرا ..!

لما نقول ليكم السيد ما تزعلو .. ولما نقول ليكم انو سيد البلد حقو تفرحو .. ولما نصف بزعيم الكرة السودانية واكثر الاندية تتويجا بالبطولات فتلك حقائق … سيد بلد لانو قاعد الايام دي خالف رجل علي رجل ومستمتع شديد جدا بما يدور في الساحة الرياضية .. كيف ما نقول ليهو السيد وقد حسم الامر من زماااان وشال الكاس واحتفل بيهو كمان يعني لو عايزين ننسحب الليلة ح ننسحب وبرضو فوق عدلينا .. افضل فريق … اكثر نقاط … اكثر … افضل دفاع … افضل حارس مرمي اها دي قولو ما صاح او قولو برضو الافضلية دي جات عن طريق (الدعم) !

مشكلة الكبيرة الما قادر يحلها في انه فريق تابع للحكومة يعني موضوع انسحاب دا (شعر ما عندهم  ليهو رقبة ) حدودكم لحدي تهديد ووعيد  لكن فعل صعب عليكم شديد وما بتقدور عليهو !

وحتي لما نصف السيد (بزعيم الكرة السودانية ) فتلك حقيقة تؤكدها البطولات (13 بطولة) من 20 بطولة وفي واحده ادكم ليها مناصفة مع لجنة سمير وبرضو (مدعوم) !

عشان كدا وعشان غير كدا هو (السيد) وسيد البلد ( والزعيم) وهلال الملايين واي حاجة حلوة في السودان .. هو السودان زاتو لو مافيهو والله ما ليهو اي طعم .. كدى اتخيلو سودان بلا هلال اتخيلو بس مش ح تلقو البلد ظلام دامس ومافيها فرحة واضربات دكاتره … هسي الدكاتره ديل لو غلبكم يوم 14 والله النقابة حقتهم طواااالي ترفع الاضراب … اضراب لي شنو تاني الامراض زاتا ح تكون مافي وح يكون في سلااام تام !

اخيرا جدا ..!

طيب امس اخونا مامون ابوشيبه (بتاع المسطرة) عارفين المسطرة … المسطرة بتاعت قون اكرا في مريخ الفاشر عارفنها طبعا .. امس عمل ليهو حسابات كدا جاب فيها متصدر للدوري وشايل البطولة كمان عليكم الله زي ديل يقولو عليهم شنو ..لحدي هسي قاعدين يضللو في جماهيرهم مرة بي انو (مظلوم) والسيد (مدعوم) … ومرة بانو عندو قضية عادلة (شيبوب) ومرة انو تسجيل الوك صحيح هسي عليكم الله البخلي تسجيل كاوي القلوب … اقصد شيبوب ما صحيح وتسجيل (الوك) صحيح شنو ؟؟؟

اقول ليكم حاجة يا مامون نحن موافقين انو لجنة الاستئنافات تديكم نقاط في (شيبوب)  وتشيل منكم نقاط شندي في (الوك) مش برضو ناس اهلي شندي استانفو في موضوع الوك ؟؟؟

اذهبوا فانتم الطلقاء

عزيزي الزائر لقد قرأت خبر اخر اخبار الهلال السوداني في الصحف لهذا اليوم Friday 7/10/2016 : الي ان نلتقي قسم خالد ورونا من هسي منسحبين ولا لا …؟ في موقع بلس سبورت ولقد تم نشر الخبر من موقع الهلال السوداني وتقع مسئولية صحة الخبر من عدمة علي عاتقهم ويمكنك مشاهدة مصدر الخبر الاصلي من الرابط التالي الهلال السوداني


اقرأ الخبر من المصدر

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا